ТОНАВТНИЦЯТНЕНЬ ДУХОВНО-НРАВСТВЕННОЙ ЕНКСОНЬ КАСТОМАСТ МОКШОНЬ ДЫ ЭРЗЯНЬ КУЛЬТУРАНЬ КУНШКАСО

Зубарева И.Г., доцент лаборатории этнокультурного образования
ГБУ ДПО РМ «Центр непрерывного повышения профессионального мастерства педагогических работников – «ПЕДАГОГ 13. РУ»

Россиянь эрицянь духовно-нравственной кастомась ашти неявиксэкс минек масторонь касомасонть, кона максы раськентень вейсэндямо. Масторонь касомасо неявить ломаненть мелезэ, арсеманзо, эрямонь лангс вановтозо.

Россиясь те ламо раськень мастор, косо покш мель явови касыця од ломантненень, сынст марто кортамонтень ды важодемантень. Те мелесь муи эсь тарканзо эрьва кодат законодательной ды нормативно-правовой тев коневтнесэ «Россиянь Федерациясо образованиянь раськень доктринась», «Россиянь Федерациясо раськень образовательной политикань концепциясь», Россиянь Федерациясо духовно-нравственной кастомань концепциясь». Тень пингсэ сехте парокс ловови школасо тонавтнемань шкась. Ансяк те пингстэ ютыть седе паро эйкакшонь кастомась ды содамочинь максомась, тиринь мастордо кортамось, конатне путозь Российской Федерациясо раськетнень культурань эрямосонть.

Омбоце поколениянь Федеральной государственной образовательной стандартсонть тонавтомась чарькодеви аволь ансяк содамочинь максомась ды теде башка, духовно-нравственной, социальной, культурной эрьва кодат енкстнэнь марто вейс сюлмазь.

 Весе тень лангс нежедезь, минек лицейсэ ульнесь теезь «Лисьмапря» образовательной проектэсь, конань юрокс кармась мокшонь ды эрзянь культурань куншкась. Сон панжозь кавто тежа каветееце иень даволковонь кеветееце чистэ. Минек образовательной проектэнть прявт путовкось – пурнамс ды вейсэндямс тонавтыцятнень, тонавтницятнень, сынст тетяст-аваст, малавиксэст, вузонь важодицятнень, тиринь келенть ды культуранть вельде ды од технологиятнень тонавтомань тевтнес нолдамось минек республикань образовательной учреждениятнесэ.

Неявикс прявттевекс минек куншканть важодемасонть неяви тонавтницятнень духовно-нравственной кастомась ды эсь тиринь масторонь вечкемась. Тень пингсэ ютавтови важодема, зярдо эйкакштнэ седе парсте кармить содамо ломантнень, конат ламо вий путсть минек Республиканть ды Россиянть кепетемантень.

Тонавтницятнень духовно-нравственной кастомась минь ветятано истямо важодема:

Васенце, лицеень тонавтницятнень марто ютавтнетяно этнографической экспедицият, конатнесэ седее малавикстэ теевтяно эрзянь ды мокшонь коест-кирдаст марто. Весе пурназенть марто анокстатано аволь покш казнеть – ковкерькст эрзянь ды мокшонь тантей ярсамопель марто, эрзянь ды мокшонь някат, чувтонь налкшкеть. Ансяк истямо важодеманть пингстэ юты ломаненть касомазо культуранть коряс. Седе тов тонавтницятне анокстыть проектно-исследовательской важодемат ды сыненст лездыть тень эйсэ тетяст-аваст, покштяст-сырькаест, конат сакшныть эрзянь ды мокшонь кельтнень тонавкстнэс, евтнить весе лиятненень эсь мелест, арсемаст ды кирвазтить эйкакштнэнь эйсэ тонавтнемантень вечкеманть.

Кудораськенть, малавикстнэнь, ялгатнень ды перть пельксэнть пачк панжовить истят малавикс валт, кода «Тиринь мастор», «Тиринь мода», «Тиринь кель», «Монь кудораськем», «Монь кудом» ды лият.

Омбоце, тонавтницятнень духовно-нравственной кастоманть кисэ мокшонь ды эрзянь культурань куншкасо ветявить ламо содавикс ломань марто вастомат. Инжетне евтнить эсь шкинемань кист ланга, вешить эйкакштнэнь пельде вейсэнь важодема. Тонавтницятненень пек вечкевить неть вастоматне. Сынь макснить ламо кевкстемат, морыть морот мокшонь ды эрзянь кельтнесэ, ловныть эсест валморост. Те весе максы тонавтницятненень седее парсте содамс минек раськетнень историянть, культуранть, келенть мазычинзэ ды паро енксонзо.

Колмоце, мокшонь ды эрзянь культурань куншкасо покш важодема моли тонавтыцянь профессиональной компетентностенть кепетеманзо коряс. Минь, мокшонь ды эрзянь тонавтыцятне, ветятано Евсевьев педагогикань институтонь, МРИОнь важодицятнень марто ламо семинарт, научно-методической семинарт, мастер-класт, вебинарт, конатнесэ домкасто ванотано ламо стакачитнень тонавтомань ды кастомань коряс.

Нилецеде, духовно-нравственной кастомась невтеви эйкакштнень пелькстамось эрьва кодамо пелькстамосо. Сынь келейгавтыть аволь ансяк шкинемань енкстнэнь ды теде башка топавтовить весе путовкстнэ ды аравтоматне. Истят пелькстамотнесэ прянь невтемась максы лисемс седе келей ки лангс ды содамс эсь питненть. Тонавтницянь изнямось невти виев тонавтыцять важодеманзо. Те максы кепетемс сынст арсемаст се важодеманть коряс, конанть сынь кочкасызь, зярдо покшто касыть.

Весе те важодемась путы икелев молема тевть:

Васенце, теемс покш важодема тонавтницятнень духовно-нравственной ды этнокультурной кастоманть коряс.

Омбоце, кепедемс аволь уроконь важодеманть тонавтницятнень духовно-нравственной кастоманть коряс мокшонь ды эрзянь келень тонавтомаст од вешематнень коряс.

Минь, мокшонь ды эрзянь кельтнень коряс тонавтыцятне, кемтяно, минек важодемась карми саевеме лия тонавтомань кудотнесэяк.

Добавить комментарий