Мокшень кяльса вторичнай склоненияса ащи существительнайхнень синтаксисонь ширде ваномасна

Мокшень кяльса вторичнай склоненияса ащи существительнайхнень синтаксисонь ширде ваномасна

В. Ф. Рогожина, заведующий лабораторией этнокультурного образования ГБУ ДПО РМ «Центр непрерывного повышения профессионального мастерства педагогических работников – «Педагог 13. ру»

Школаса существительнайть мархта содафтыхть нинге ёмла класснень эса. Сембе ширде, сяда кърхкаста, тя корхтама пялькссь ванови 5-це класса. Тонафнемань учебникса азф, што существительнайть улихть грамматикань тяфтама признаконза: склонениясь, падежсь, лувкссь.

Кода содаф, мокшень кяльса существительнайть колма склонениянза: основной (аф определеннай), указательный (определеннай) и притяжательнай. Существительнайсь валрисьмоса эряй валрисьмонь эрь кодама членкс.

Эряви азомс, мокшень кяльса существительнайть определеннай, аф определеннай, притяжательнай склонениядонза башка ули нинге вторичнай склоненияц. Вторичнай склонениясь – суффиксонь вельде валонь тиевомась. Падежонь формась, полафнемок вторичнай склоненияса, юмафнесы падежонь смузец и полады од смузь, кона малады валонь тиевомати (Цыганов 19649 192).

Тя статьять целец – няфтемс мокшень кяльса вторичнай склоненияса ащи существительнайхнень синтаксисонь функцияснон.

Художественнай произведениятнень эса няеви, што вторичнай склонениянь существительнайхне сяда сидеста васьфневихть подлежащайнь функцияса.

Подлежащайнь функцияса вторичнай склонениянь существительнайхне васьфневихть тяфтама конструкцияса:

а) валъюрхтсь + инессивонь суффикс + определеннай склонениянь номинативонь лама лувксонь суффикс Семботь кадозе модать лангс:… — семботь, семботь, мезьса эряйхть шисотне и мезсь мзярдонга ни аф эряви кулофненди (Кузнецов 1981: 90). «Все оставил на земле: … — все, все, что нужно живым (букв.живущие чем живут) и что никогда не понадобится умершим»;

б)валъюрхтсь + элативонь суффикс + определеннай склонениянь номинативонь фкя лувксонь суффикс: Кда шнастось аф баяркс сась, аде тяниек лавкаста пяле панкс сяван (Бебан 1962: 15). «Если тот, кто с ремнем послан не начальником, пошли в магазин, сразу пол-литра возьму»; кучка +сто +сь: Сценать лангса моркшть перьф ащихть колма ломатть, кафттне тяка велень …, а кучкастось – судья (Левчаев 1959: 47). «За столом сидят три человека, двое с этого же села, а тот, который посередине – судья»;

в): валъюрхтсь + элативонь суффикс + определеннай склонения номинативонь лама лувксонь суффикс Пачкодсть шистотне ваймама вастозост (Мокша 2000, 6: 15). «Дошли живые к месту отдыха». Азорсь кошардозень тяштемс, штоба афолезь вешенде. Штоба кудстотне мезень колгавок афольхть шарьхкотькшне (Г. Петелин, Калмонь срафты). «Хозяин заставил их написать, чтобы его не искали. Чтобы домашние ни о чем не догадывались». Но тонь кудстотне мезевок содайхть тянь колга или аф? (Ларионов 1989: 197). «Но твои домашние что-нибудь знают об этом?»;

г) валъюрхтсь + элативонь суффикс + притяжательнай склонениянь «сонь» рядонь + определеннай склонения номинативонь лама лувксонь суффикс: Ваксстонзотне пеедезевсть (Бебан 1962: 27). «Те, которые стояли рядом с ним (букв. рядом с ним стоящие), улыбнулись»;

д) валъюрхтсь + ляпошинь кирьфтай суффикс + элативонь суффикс + определеннай склонения номинативонь лама лувксонь суффикс Шяйнястотне ласькихть (Ларионов 1983: 174). – «Бегут те, которые (букв. в камышах находящиеся) находились в камышах»;

е) валъюрхтсь + абессивонь суффикс + определеннай склонениянь номинативонь фкя лувксонь суффикс:  + Мезе тись ёньфтомось? — Сергеев тага ювадсь паксяти  (Ларионов 1983: 93). «Чего опять натворил безумный (букв. тот, который без ума)»; Шаба мархтось эряй-радовай, шабафтомось – ризнай (Мордовские пословицы и загадки 1959: 39). «Человек, имеющий детей – живёт-радуется, бездетный – горюет»;

ё): валъюрхтсь + абессивонь суффикс + определеннай склонениянь номинативонь фкя лувксонь суффикс …сяда лама сурдайхть пацяфтопне (Левчаев 1967: 129). «…больше крадут бескрылые»; И месть цяфайхть алашакс пряуйфтопне (Мокша 1993, 11-12: 137). «И что безумные ржут как лошади». Вов и кярьмодсть атяти…васенда сакалонц плхтазь, кода тувонь эсонза крхтайхть седифтопне … сяльде ушедсть шяярензон (В. Мишанина, Сокор веле). «Вот и взялись за старика… сначала бороду спалили, как поросенка его палили бессердечные… потом взялись за волосы»;

ж) валъюрхтсь + абессивонь суффикс + ляпошинь кирьфтай суффикс + определеннай склонениянь номинативонь фкя лувксонь суффикс Пейфтемнясь мштерьфтезень трванзон, кати-мезе смексесь-арсесь (Мокша 1997, 10: 71). «Беззубый (букв. тот, который без зубов) шевелил губами, что-то думал-решал».

Кода няеви кепотькснень эзда, молемок подлежащайкс вторичнай склоненияса ащи существительнайхне инь сидеста васьфневихть инессивонь, элативонь, абессивонь падешнень эса.

Сяда шуроста вторичнай склонениянь существительнайхне васьфневихть дополнениянь функцияса. Дополнениянь функцияса вторичнай склонениянь существительнайхне васьфневихть тяфтама конструкцияса:

а) валъюрхтсь + элативонь суффикс + определеннай склонениянь номинативонь лама лувксонь суффикс + генитивонь суффикс: Сон ашезь пачфне, што ранендакшнезь, што ащесь госпитальса – мезенди колсемс кудстотнень мяльснон, тоса тяфтаконга, няк, кържа кеняртьфтида (Г. Петелин, Калмонь срафты). «Он не сообщал, что был ранен, что лежал в госпитале – зачем огорчать домашних, там и так, видно, мало радующих».

Литературась

Цыганов Н.Ф. Вторичное склонение существительных //Учен. зап. МНИИЯЛИЭ. – Саранск, 1964. – № 43. – 192 -197

Мокшень кяль. Морфология/ Под ред. Н.С. Алямкина. – Саранск: «Крас. Окт.», 2000. – 234 с.